Ballina Lajme Kryeimami i Kosovës, Sabri Bajgora, mbajti ligjëratë në Varsoh të Ferizajt

Kryeimami i Kosovës, Sabri Bajgora, mbajti ligjëratë në Varsoh të Ferizajt

Prishtinë, 23 dhjetor 2017

Me rastin e përfundimit të meremetimeve në xhaminë e fshatit Varosh të Ferizajt dhe për nder të Muajit të Mevludit, Këshilli i Bashkësisë Islame i Ferizajt organizoi një program fetsiv, ku morën pjesë kryeimami i Republikës së Kosovës Sabri ef. Bajgora, anëtari i Kryesisë së BIRK-ut Isa ef. Tërshani, kryetari i Këshillit Bujar ef. Hasani me këshilltarët, kryeimami Sulejman ef. Rosha, hoxhallarë, xhematli dhe mysafirë nga qytete të tjera të Kosovës.

Fjalë rasti mbajti imami i fshatit Varosh Avdush ef. Krosa, i cili, ndër të tjera, shprehu kënaqësinë e tij dhe të xhematit për praninë dhe ligjëratën e kryeimamit Sabri ef. Bajgora.

“Na është hijeshuar fshati me praninë e njeriut që po na kënaq duke na i sjellë komentimet e Kuranit shkencërisht e rrjedhshëm në gjuhën tonë të ëmbël, pa dyshim që punët e mbara Zoti i sjellë nëpërmjet njerëzve të mbarë”- theksoi imami Avdush Krosa.

Me këtë rast kryeimami Bajgora foli ne emër të Kryesisë së Bashkësisë Islame të Kosovës dhe mbajti një ligjëratë, në të cilën fillimisht përgëzoi për aktivitetin e Këshillit, përgëzoi xhematin dhe imamin e xhamisë së fshatit Varosh Avdush ef. Krosën për përfundimin e meremetimeve në këtë xhami duke lutur Zotin që kjo xhami të jetë në shërbim të xhematit, mësimit dhe të rrezatojë paqe, siguri e edukim për gjeneratat e reja. Ai po ashtu shprehu falënderimet dhe mirënjohjet për të gjithë ata kontributdhënës për shtëpinë e Allahut.

“Këtu jemi mbledhur sonte për të manifestuar një ndjenjë fisnike që kemi, gëzimin për Muajin e Mevludit, një muaji i shndritshëm në fenë Islame. Ne gjatë ligjërimeve tona, namazeve tona, dhe meditimeve tona dëshmojmë me gjuhë dhe vepër atë që Allahu xh.sh. e ka dëshmuar për pejgamberin e Tij.

Vërtet Allahu dhe melekët e Tij “jusal-lune( Allahu pranon e melekët luten)” për të Dërguarin, andaj o ju që keni besuar bini edhe ju salavat dhe përshendeteni me përshendetjen më të mirë, sepse lindja e tij e ndryshoi përfundimisht rrjedhën e jetës njerëzore”- tha kryeimami Bajgora.

Ai më tutje duke spikatur rolin e dërgimit të Muhamedit a.s. përmendi se atë e dërgoi kandil të shpresës dhe ndriçues dhe ishte mëshirë për mbarë botën. Dërgimi i tij ishte në momentin kur po fikeshin shkëndijat e fundit të monoteizmit në botë, kjo botë ishte shthururme imoralitet, kishin humbur ndjenjat njerëzore, krijesa njeri po nënçmohej nga vetë njeriu, kur gratë përbuzeshin skajshëm e trajtoheshin si kafshë, foshnjat vajza varroseshin në tokë vetëm pse ishin vajza. Pikërisht në këto momente të vështita dhe të rënda për njerëzimin, Allahu e dërgoi pejgamberin Muhamed a.s. si dëshmitar për botën mbarë dhe përgëzues për në rrugën e drejtë dhe qortues dhe thirrës në rrugën e Zotit.

Këtë tubim e përshendeeti edhe kryetari i KBI-së së Ferizajt Bujar ef. Hasani, i cili falënderoi imamin dhe xhematin kontributdhënës dhe të gjithë ata që kontribuan për xhaminë duke lutur Allahun që të gjithë ata t’i shpërblejë me të mirat e Tij.

Më pas u dha një program fetar-artistik: u lexua Kuran, u kënduan pjesë nga mevludi dhe ilahi. Interpretuan Ibrahim ef. Beqiri, Hakim ef. Ilzi, hfz. Ajdin Aliji, Sead ef. Llumnica, hfz.Besir Musliu dhe Avdush ef. Krosa. Moderonte Ilir ef. Maliqi.

Shfaq më shumë artikuj të ngjashëm
Shfaq më shumë në Lajme

Shfleto

Në të gjitha xhamitë e Kosovës u dha mesazh për kujdesin në trafik

  Sot, më 13.07.2018, ditë e premte, me urdhrin e kryetarit të Bashkësisë Islame të K…