Më 16 prill 2023, drejtori i Diasporës në Kryesinë e Bashkësisë Islame të Kosovës, Ekrem ef. Simnica, ligjëroi për namaz të drekës në xhaminë “Mesxhidi – Nur” në Frauenfeld të Zvicrës.
Drejtori Simnica e uroi dhe e përgëzoi imamin e nderuar, kryesinë dhe xhematin në emër të Bashkësisë Islame të Kosovës, në emër të organeve udhëheqëse të saj dhe në emrin e Myftiut Tërnava për muajin Ramazan. Gjithashtu ai i falënderoi për ndihmën dhe kontributin e vazhdueshëm të tyre për institucionet tona fetaro-arsimore, Medresenë “Alauddin” dhe Fakultetin e Studimeve Islame në Prishtinë.
Në vazhdën e vizitave të rregullta, më 16 prill, drejtori i Diasporës, ishte i ftuar për iftar në xhaminë “Ebu Hanife” në Grenchen në Zvicër, ku u prit me një pritje të ngrohët nga imami i përkohshëm, Sylejman ef. Fejzullahu, nënkryetari, z. Ragaibi, anëtarët e kryesisë dhe nga xhemati i kësaj xhamie. Kishte mysafirë edhe nga qendrat e tjera, imamë, kryesi xhamish nga vende të ndryshme në Zvicër.
Përfaqësuesi i BIK-ut, mbajti edhe një ligjëratë me këshilla dhe mësime rreth dhjetëshit të fundit të muajit Ramazan.
Drejtori Simnica, në ligjëratën e tij, theks të veçantë i kushtoi punës dhe veprimtarisë së institucionit të Bashkësisë Islame të Kosovës, Medresesë, FSI-së, Institutit të Hivzit, IHSI-së etj.. Ai me këtë rast përcolli urimet dhe përgëzimet e Myftiut Tërnava për muajin Ramazan, duke lutur Allahun që të na i pranoj ibadetet dhe adhurimet që i kryejmë gjatë këtij muaji. Drejtori Simnica në ligjëratën e tij falënderoi të gjithë mërgimtarët tanë për kontributin e vazhdueshëm dhënë për vendlindjen në përgjithësi, e në veçanti për institucionin e Bashkësisë Islame të Kosovës, duke ju bë apel që sadakatul-fitri dhe zekati të mos derdhën te shoqatat të ndryshme. Ai shfaqi shpresën dhe bindjen e tij se kjo mërgatë do të vazhdojë kontributin e saj edhe përgjatë viteve të ardhshme, sa herë që të jetë nevoja.
![](https://i0.wp.com/bislame.net/wp-content/uploads/2023/04/340213635_590502363030458_1535787589837073309_n.jpg?resize=850%2C545&ssl=1)
![](https://i0.wp.com/bislame.net/wp-content/uploads/2023/04/340926432_2398395713652470_3383682884377069961_n.jpg?resize=767%2C1024&ssl=1)
![](https://i0.wp.com/bislame.net/wp-content/uploads/2023/04/340979959_555175493270586_5110649211528192310_n.jpg?resize=850%2C397&ssl=1)
![](https://i0.wp.com/bislame.net/wp-content/uploads/2023/04/340909670_180078801169120_1771012036192526164_n.jpg?resize=767%2C1024&ssl=1)
![](https://i0.wp.com/bislame.net/wp-content/uploads/2023/04/342281069_900655481013014_9016567350473131531_n.jpg?resize=850%2C638&ssl=1)
![](https://i0.wp.com/bislame.net/wp-content/uploads/2023/04/340902674_927864758455401_2793368344608165375_n.jpg?resize=850%2C526&ssl=1)