Kryesia e Bashkësisë Islame të Kosovës ndihmon skamnorët e rrethit të Tropojës dhe të Pukës me 3000 kg mish Prishtinë, 19 janar 2018 Kryesia e Bashkësisë Islame të Republikës së Kosovës, në kuadër të veprimtarisë humanitare, nëpërmjet shoqatës së saj “Bereqeti”, sot i ndihmoi skamnorët e rrethit të Tropojës dhe të Pukës. Në këtë veprimtari humane, BIRK-u ka shpërndarë 100 pako mish me nga 30 kg, që bëjnë gjithsej 3000 kg mish kurbani, për 600 familje të asaj ane, për secilën nga pesë kilogramë. Shoqata “Bereqeti” që vepron në kuadër të Bashkësisë Islame të Republikës së Kosovës, zotohet se do të bëjë gjithë çfarë është e mundur që të vazhdojë të ofrojë ndihmë për familjet skamnore.
