Myftiu Tërnava priti në takim ambasadorin slloven z. Bojan Bertoncelj-i Shpërndaj në Facebook Shpërndaj në Twitter Shpërndaj në Pinterest Shpërndaj në Linkedin Prishtinë, 17 janar 2018 Myftiu i Republikës së Kosovës Naim ef. Tërnava priti në takim sot ambasadorin slloven, z. Bojan Bertoncelj-in. Në këtë takim, Myftiu Tërnava e njohu ambasadorin slloven me aktivitetet e BIRK-ut dhe me zhvillimet e jetës e të veprimtarisë fetare anembanë vendit. Myftiu Tërnava, po ashtu theksoi se roli dhe kontributi i BIRK-ut është për zhvillimin e Kosovës dhe në koordinim të mirë me institucionet vendore dhe ato ndërkombëtare. Ai çmoi dhe vlerësoi lart kontributin që është duke dhënë populli slloven dhe qeveria sllovene për Kosovën dhe ndihmën e saj për integrimin e Kosovës në mekanizma rajonalë dhe në ata ndërkombëtarë. Nga ana e tij, ambasadori slloven, z.Bojan Bertoncelj-i, falënderoi myftiun Tërnava për pritjen dhe shfaqi bindjen se BIRK –u është institucion fetar që po jep vazhdimisht kontribut për krijimin e një ambienti të qetë dhe të sigurt, ku qytetarët e Kosovës të jetojnë në harmoni dhe tolerancë mes feve dhe komuniteteve.
