Prishtinë, 12 janar 2018
Myftiu i Republikës së Kosovës Naim ef. Tërnava priti në takim koordinatorin nacional për siguri, Lulzim Fushticën. Në takim mori pjesë edhe Kryeimami Sabri ef. Bajgora.
Me këtë rast, Myftiu i Republikës së Kosovës Naim ef. Tërnava e falenderoi z. Fushticën për vizitën dhe e uroi për detyrën e re duke i dëshiruar sukses në këtë detyrë.
Më pas Myftiu Tërnava theksoi se Bashkësia Islame e Kosovës vazhdimisht është angazhuar dhe do të do të angazhohet që në Kosovë të jetë një ambient I qetë e I sigurt, larg çdo ideologjie ekstremiste dhe radikale.
Nga ana e tij, koordinatori nacional për siguri, Lulzim Fushtica, falënderoi Myftiun Tërnava për pritjen dhe çmoi kontributin e Bashkësisë Islame të Kosovës që po jep që vendi ynë të ketë një ambient të sigurt dhe të qetë.
