Prishtinë, 06 maj 2019
Shoqata bamirëse humanitare “Bereqeti”, dega në Prishtinë, e cila funksionon në kuadër të Bashkësisë Islame të Republikës së Kosovës, sot shpërndau 250 pako për personat me kushte të rënda.
Shpërndarja e këtyre ndihmave u bë në xhaminë “Pavarësia”, në Prishtinë. Imami i kësaj xhamie, njëherësh koordinatori i kësaj shoqate për Prishtinë, Nexhmi ef. Hoxha, deklaroi se këto ndihma janë nga një donator vendor, më konkretisht firma “Maqani.”
“Shoqata “Bereqeti” edhe këtë vit, sikurse edhe viteve të kaluara po mundohet t’u qëndrojë afër familjeve të cilat kanë nevojë për ndihmën e njerëzve humanitar. Është firma “Maqani” ajo e cila do të dhurojë 500 pako me ndihma. Fillimisht do të shpërndahen 250, ndërsa gjatë javëve në vazhdim edhe 250 të tjera. Edhe gjatë ditës së djeshme nga bashkëatdharët tanë janë shpërndarë 100 pako. I falënderojmë të gjithë kontribuesit, duke lutur Allahun xh.sh. që t’ua shtojë të mirat në këtë botë, e në botën tjetër t’i shpërblejë me xhenet,” deklaroi imami Hoxha.

Shfaq më shumë në Bereqeti

Shfleto

Myftiu Tërnava po merr pjesë në sesionin e 23-të të Bordit të Lartë të Akademisë së Jurisprudencës Islame

Prishtinë, më 20 prill 2024 Në Riad të Arabisë Saudite, ka filluar punimet sesioni i 23-të…