Bereqeti shpërndau pako ushqimore në Drenas për familjet skamnore Prishtinë, 7 maj 2019 Këshilli i Bashkësisë Islame i Drenasit në bashkëpunim me Shoqatën Humanitare Bereqeti, për nder të muajit të bekuar të Ramazanit, ka shpërndarë 100 pako ushqimore për të varfrit dhe skamnorët në komunën e Drenasit me rrethinë. Mehdi Kastrati kryeimam në KBI të Drenasit tha se me shpërndarjen e këtyre ndihmave ne po mundohemi të zbusim varfërinë dhe t’i gëzojmë familjet e varfra dhe që kanë nevojë që edhe ata të ndiejnë begatinë dhe vlerën e Ramazanit dhe se me anë të aktivitetit bamirës e humanitar mundohemi që ta lehtësojmë gjendjen gjatë muajit të bekuar të Ramazanit dhe që sofrat e tyre të jenë të mjaftueshme me ushqim.
