Shoqata “Bereqeti” mbajti takimin e rregullt me koordinatorët e saj

Prishtinë, 9 mars 2022

Shoqata Humanitare Bamirëse “Bereqeti” ka mbajtur sot takimin e rregullt me koordinatorët e saj, për të diskutuar mbi përgatitjet për muajin Ramazan.

Drejtori i shoqatës “Bereqeti”, Behxhet ef. Ajvazi, fillimisht falënderoi të gjithë koordinatorët për punën dhe angazhimin e tyre, si dhe kërkoi nga ta që edhe më tej të kontribuojnë, në mënyrë që të jemi sa më afër familjeve nevojtare.

Ai e cilësoi vitin 2021 si vit tejet të suksesshëm në funksionimin e shoqatës, e si ndër suksesin më të madh e përmendi hapjen e dyqanit humanitar në Prizren dhe në Pejë. Drejtori Ajvazi përmendi edhe bashkëpunimin e shkëlqyer që kanë pasur me donatorët vendorë dhe nga jashtë vendi, të cilët i falënderoi për kontributin e tyre.

Shoqata Humanitare Bamirëse “Bereqeti” edhe këtë vit do të fillojë organizimin e aksionit tashmë tradicional “Sofra e Ramazanit”, i cili për qëllim ka ndihmën e familjeve nevojtare gjatë muajit Ramazan.

Shfaq më shumë në Bereqeti

Shfleto

Myftiu Tërnava po merr pjesë në Konferencën e 14 Ndërkombëtare për dialogun ndërfetar në Doha të Katarit

Prishtinë, më 24 maj 2022 Nën patronazhin e shkëlqesisë së tij, sheikh Khalid bin Khalifa …