Myftiu Tërnava priti në takim Dugaxhin Shamollin

Prishtinë, 19 gusht 2020

Kryetari i Bashkësisë Islame të Kosovës, Myftiu Naim ef. Tërnava, së bashku me drejtorin e Diasporës në Kryesinë e BIK-ut, Ekrem ef. Simnica, pritën në takim anëtarin e xhamisë “Nurul Islam” në Monchegladbah të Gjermanisë, z. Dugaxhin Shamollin, i shoqëruar nga sekretari i KBI të Drenasit, Eset ef. Bajraktari.

Myftiu Tërnava në këtë takim shprehu falënderime për veprimtarinë e anëtarëve të kësaj xhamie, por edhe të gjithë mërgatës sonë në diasporë për punën dhe angazhimin e tyre që jeta fetare atje të zhvillohet ashtu siç është më së miri.

Ai shprehu gatishmërinë e tij dhe të institucionit të BIK-ut për bashkëpunim dhe për koordinim sa më të mirë të aktiviteteve edukativo-fetare.

Nga ana e tij, z. Shamolli falënderoi përzemërsisht Bashkësinë Islame të Kosovës dhe Myftiun Tërnava për mikpritjen dhe gatishmërinë e tyre që të ketë një bashkëpunim sa më të mirë për të gjithë. Ai gjithashtu përcolli selamet dhe urimet e imamit të xhamisë “Nurul Islam”, Besnik ef. Kadriollit, si dhe të tërë xhematit atje, për Myftiun Tërnava dhe për institucionin e Bashkësisë Islame, si dhe për gjithë myslimanët e vendit, me rastin e fillimit të ndërtimit të Xhamisë Qendrore në Prishtinë.

Shfaq më shumë në Lajme

Shfleto

Myftiu Tërnava priti në takim kryetarin në detyrë të Partisë Demokratike të Kosovës, z. Enver Hoxhaj

Prishtinë, 12 prill 2021 Kryetari i Kryesisë së Bashkësisë Islame të Kosovës, Myftiu Naim …