Myftiu Tërnava zhvilloi një vizitë në Zvicër

Prishtinë, 6 mars 2017
Myftiu i Republikës së Kosovës i shoqëruar nga  drejtori i diasporës Ekrem ef. Simnica  nga data 4 – 6 mars 2017 zhvilloi një vizitë në Zvicër ku mori pjesë në manifestimin e 25 vjetorin e themelimit të Xhamisë së Shqiptarëve el-Hidaje në Sangalen. Në këtë eveniment merrte pjesë edhe Kryetari i Komunitetit Mysliman i Shqipërisë Skender ef. Bruçaj,  myftiu i Shkodrës Muhamed Sytari, Myftiu i Strugës Salim Sulejmani, kryetari i Unionit të imamëve  shqiptarë në Zvicër, Nehat V. Ismaili, Lauren ef. Luli, koordinatori i BFI-së për diasporë, Selver Xhemaili dhe Ragmi Destani kryeimam i Bujanovcit. etj.
Nga ana e tij  myftiu Tërnava  në fjalën përshëndetëse të këtij përvjetori tha se   ndjehet i kënaqur që  gjendet mes bashkëkombësve  tanë që kanë themeluar këtë xhami e cila shërben në ruajtjen e identitetit  fetar e kombëtarë  tash e 25 vite dhe poashtu ndjehemi krenar që shqiptarët janë të integruar mirë në shoqërinë zvicerane. Dhe ky shtet ka bërë shumë për integrimin e shqiptarëve  në të gjitha institucionet e këtij shteti i cili ka bërë dhe po bënë shumë edhe për Kosovën dhe shqiptarët në përgjithësi. Këtu pash se është bërë një punë jashtëzakonisht e madhe ku  do të veçoja se përkushtimi dhe puna janë ato që e  karakterizojnë këtë xhami. Një përkushtim që ka burim besimin në Allahun Një dhe në Pejgamberin a.s., në Kuranin famëlartë  i fuqizoi zemrat  dhe shpirtrat  tuaj dhe arritën që në këtë qytet edhe më ti shtoni hieshin këtij vendi duke ndërtuar e restauruar  e punuar edhe një shtëpi të Zotit që tash e 25 vjet me radhë i biem në sexhde Allahut xh.sh..Këtu pash që është ruajtur pastërtia e fesë sonë që është bartur shekuj me radhë është prezentë në këtë xhami si në asnjë xhami tjetër ku këtu praktikohet  ajo që është praktikuar tash e 600 vjet tek ne, pra praktikohet medhhebi jonë hanefi. Duhet ta dini se kjo ka ruajtur vëllazërinë mes jush dhe ju ka motivuar për punë edhe më të mëdha.
Myftiu Tërnava i porositi që ta ruajnë këtë traditë sikur sytë e ballit sepse po e shihni edhe ju ka tentativa nga më të ndryshmet që në emër të fesë në kombin tonë të fusin përçarje ngase përçarja, shkatërron një komb, ardhmërinë e vendit, proceset e përkrahjet dhe çdo gjë që qon nga prosperiteti dhe ardhmëria e sigurt.
Poashtu vendlindjet tona thirrën për ndihmë nga kjo xhami nuk ka munguar mbështetja në momentet më të vështira. “Ju nuk kursyet dhe zgjatën dorën e ndihmës  në Kosovë, Maqedoni e Luginë të Preshevës e Bujanovcit kur në këto vatra u luftonte për liri , pavarësi e ditë më të mira. Ju e dhatë provimin tuaj, ne ju falënderojmë shumë dhe Zoti ju shpërbleftë juve dhe familjet tuaja”, tha myftiu Tërnava.
Po ashtu myftiu Tërnava vërejti se këtu ka  gatishmëri  të madhe  për të bashkëpunuar edhe me të tjerët  me ata që nuk i përkasin besimit tonë. “Kjo është një punë e madhe. Jo në këtë qytet por kudo që janë shqiptarët  jeni pasqyrë e Islamit në Ballkan, përmes juve shikohet Ballkani, përmes juve  mund të lexohet Islami dhe sigurisht që e keni dhënë provimin duke ju treguar të tjerëve se Islami asgjë nuk ka të përbashkët dhe nuk ka pasur  dhe nuk do të ketë me ekstremizmin, radikalizmin e fundamentalizmin e as me vëllavrasjen por Islami është  paqe, prosperitet, gatishmëri për punë më të mira, motiv pune dhe për një jetë më të mirë të të gjithëve”-shtoi myftiu Tërnava, duke potencuar  se Islami nuk i përjashton besimet tjera por Islami na urdhëron  që ne të bashkëpunojmë me besimet tjera dhe kjo  më zgjoi shumë kureshtje dhe ju uroj për punën që po bëni dhe po e dëshmni këtë në praktikë.
Në fund  myftiu Tërnava pagëzoi imamin e kësaj xhamie për punën që është duke bërë në xhami dhe angazhimin e tij në mësimin dhe edukimin e fëmijëve sepse i kemi amanet. Ai porositi mërgatën  që të ruajnë vetën dhe familjen e tyre dhe këtë amanet e kemi nga Zoti dhe se feja na ofron nga atdhedashuri dhe motivoi ata t’i  kushtojnë rëndësi  të veçantë ruajtjen dhe kultivimit të gjuhës shqipe. Gjithashtu Myftiu Tërnava  falënderoi kryesinë e Xhamisë së Shqiptarëve el-Hidaje për punën dhe kontributin e tyre në integrimin e shqiptarëve në shoqërinë zvicerane dhe rritjen e vlerave fetare dhe kombëtare.
Myftiu Tërnava premtoi se BIRK-së do të vazhdojë të ketë bashkëpunim të vazhdueshëm institucional me xhamitë shqiptare në Zvicër dhe me diasporën në përgjithësi.
Myftiu në këtë vazhdë mbajti edhe një ligjëratë në xhaminë el Hidaje ku para xhematit  shpalosi  punën dhe aktivitetet e BIRK-ut dhe me sfidat që po ballafaqohet ky institucion ku ende nuk është qartësuar pozita juridike e bashkësive fetare në Kosovë. Ne po përballemi me problemin e kthimit të pronave të cilat janë marrë nga ish sistemi komunist. Ai poashtu falënderoi bashkatdhetarët tanë për kontributin dhe ndihmesën që po i bëjnë BIRK-ut dhe vendlindjes si gjatë luftës por edhe pas saj,  por pret që ky kontribut të  ngritet edhe më sepse ne kemi nevojë për ndihmën dhe përkrahjen tuaj si mërgatë.

Në këtë vizitë myftiu Tërnava  i shoqëruar nga drejtori i diasporës Ekrem ef. Simnica  ligjëroi edhe në qendrën shqiptare në xhamia shqiptare në Romanshorn.
Në kuadër të kësaj vizite  në Zvicër, myftiu Tërnava  vizitoi xhami dhe institucione të ndryshme të cilat zhvillojnë aktivitetin e tyre në këtë vend.

Shfaq më shumë në Lajme

Shfleto

Kryesia e Bashkësisë Islame të Kosovës mbajti mbledhjen e radhës

Prishtinë, 26 shtator 2020 Kryesia e Bashkësisë Islame të Kosovës, ka mbajtur sot mbledhje…