Drejtori për Diasporë Ekrem Simnica vizitoi Konsullatën e Republikës së Kosovës në Cyrih Prishtinë, 3 prill 2018 Ekrem Simnica, drejtor për Diasporë në Bashkësisë Islame të Kosovës, i shoqëruar nga anëtari i xhamisë”Ikra” në Cyrih, z.Labinot Ibrahimi, vizituan Konsullatën e Republikës së Kosovës në Cyrih të Zvicrës. Ata u pritën nga z. Islam Spahiu, ministër këshilltar/udhëheqës i Konsullatës, i cili, pas shprehjes së mirëseardhjes, bisedën e shtroi rreth koordinimit mes qendrave shqiptare me Konsullatën, si dhe rreth koordinimit të punëve me qendrat shqiptare dhe kontrollimin e mbarëvajtjes së tyre. Nga ana e tij, drejtori Simnica uroi z. Spahiun për punën që bën në bashkëpunim me Bashkësinë Islame të Kosovës, duke i dëshiruar shëndet, suksese e mbarësi në krye të Konsullatës dhe shprehu gatishmërinë e tij që edhe në të ardhmen të koordinohen aktivitetet e diasporës.
