Myftiu Tërnava vizitoi Kamenicën Prishtinë, 3 prill 2018 Kryetari i Bashkësisë Islame të Kosovës, Myftiu Naim ef.Tërnava, i shoqëruar nga bashkëpuntorët e tij, qëndroi në Kamenicë dhe inspektoi punimet për ndërtesën e re të Këshillit të Bashkësisë Islame të Kamenicës. Myftiu Tërnava, pas inspektimit të punëve, u shpreh i kënaqur me ecurinë e punimeve që po bëhen dhe tha se ndërtesa e KBI-së së Kamenicës do t’i ketë të gjitha kushtet dhe standardet më bashkëkohore dhe me këtë infrastrukturë pritet të funksionojë më mirë dhe punët të shkojnë mbarë. Deri më tash KBI-ja e Kamenicës nuk ka pasur hapësirë të mjaftueshme për punë dhe me ndërtimin e objektit te ri ky problem po zgjidhet.
