Delegacioni i BIK-ut vizitoi xhematin e Sarbsborgut

Prishtinë, më 20 prill 2022

Më 18 prill 2022, delegacioni i Bashkësisë Islame të Kosovës për diasporën, i udhëhequr nga drejtori i Diasporës në Kryesinë e BIK-ut, së bashku me imamin Fadil ef. Musliu, vizituan xhematin e Sarbsborgut – Halldenit, ku u pritën nga imami Ardian ef. Haliti dhe nga xhemati i kësaj xhamie.

Delegacioni i BIK-ut qëndroi në këtë xhami për iftar dhe më pas mbajtën edhe një ligjëratë me këshilla dhe mësime rreth muajit Ramazan.

Drejtori i Diasporës, Ekrem ef. Simnica, në ligjëratën e tij, theks të veçantë i kushtoi punës dhe veprimtarisë së institucionit të Bashkësisë Islame të Kosovës. Ai me këtë rast përcolli urimet dhe përgëzimet e Myftiut Tërnava për muajin Ramazan, duke lutur Allahun që të na i pranoj ibadetet dhe adhurimet që i kryejmë gjatë këtij muaji. Drejtori Simnica në ligjëratën e tij falënderoi të gjithë mërgimtarët tanë për kontributin e vazhdueshëm dhënë për vendlindjen në përgjithësi, e në veçanti për institucionin e Bashkësisë Islame të Kosovës. Ai shfaqi shpresën dhe bindjen e tij se kjo mërgatë do të vazhdojë kontributin e saj edhe përgjatë viteve të ardhshme, sa herë që të jetë nevoja.

Më pas, imami Fadil ef. Musliu, para të pranishmëve mbajti një ligjëratë kushtuar dobive dhe të mirave të muajit Ramazan, me një theks më të veçantë, ligjërata e tij u fokusua në dhënien e sadakasë dhe të zeqatat. Pas kësaj ligjërata, imami Musliu i priu edhe namazit të teravive.

Shfaq më shumë në Lajme

Shfleto

Myftiu Tërnava po merr pjesë në Konferencën e 14 Ndërkombëtare për dialogun ndërfetar në Doha të Katarit

Prishtinë, më 24 maj 2022 Nën patronazhin e shkëlqesisë së tij, sheikh Khalid bin Khalifa …