Prishtinë, 25 tetor 2018
Kryesia e Bashkësisë Islame të Kosovës nëpërmjet shoqatës së saj bamirëse “Bereqeti” filloi shpërndarjen e materialeve shkollore për fëmijët e shkollave fillore, kryesisht në fshatrat e Kosovës.
Realizimi i këtij projekti erdhi si rezultat i bashkëpunimit të Bashkësisë Islame të Kosovës dhe Qeverisë së Dubait, respektivisht Organizatës për Humanitet dhe Bamirësi “Muhamed bin Rashid al Maktum”, me qëllimin e vetëm që edhe fëmijët e këtyre zonave ta ndiejnë veten të inkurajuar për mësim.
Drejtori i shoqatës “Bereqeti”, z. Fitim Flugaj tha se fillimisht falënderon drejtoritë e arsimit nëpër komuna, të cilat po na përkrahin në këtë aksion. “Kemi vendosur që këtë donacion ta shpërndajmë në tërë territorin e Kosovës, në afro 100 fshatra të thella të Kosovës, më konkretisht në tetë komuna, kryesisht në zonat rurale, me qëllimin e vetëm që këta fëmijë ta ndiejnë vetën të inkurajuar për mësim. Është obligim yni fetar dhe kombëtar që të gjithë të kontribuojmë në fushë të arsimit, ngase dihet fare mirë se këto fshatra shumë pak vizitohen nga shoqatat humanitare, ndaj për këtë kemi vendosur që këto ndihma t’i dedikojmë në këto fshatra”, tha mes tjerash drejtori Flugaj.
Fëmijët të cilët përfituan këto dhurata u shprehën mjaft të gëzuar dhe të lumtur.
Ditëve në vijim kjo shoqatë do të shpërndajë gjithsej 1600 çanta me materiale shkollore, kryesisht lapsa, goma, fletore, ngjyra etj.
![44813422_543257382789805_7591866093140967424_n 44813422_543257382789805_7591866093140967424_n](https://i0.wp.com/bislame.net/wp-content/uploads/2018/10/44813422_543257382789805_7591866093140967424_n.jpg?w=395&h=296&ssl=1)
![43675363_300479520796724_467060281642582016_n 43675363_300479520796724_467060281642582016_n](https://i0.wp.com/bislame.net/wp-content/uploads/2018/10/43675363_300479520796724_467060281642582016_n.jpg?w=395&h=296&ssl=1)
![44827974_343437886407489_4365278315817205760_n 44827974_343437886407489_4365278315817205760_n](https://i0.wp.com/bislame.net/wp-content/uploads/2018/10/44827974_343437886407489_4365278315817205760_n.jpg?w=447&h=596&ssl=1)
![44833590_477614462730390_3824109859540828160_n 44833590_477614462730390_3824109859540828160_n](https://i0.wp.com/bislame.net/wp-content/uploads/2018/10/44833590_477614462730390_3824109859540828160_n.jpg?w=234&h=176&ssl=1)
![44893341_212338849516539_744189073572233216_n 44893341_212338849516539_744189073572233216_n](https://i0.wp.com/bislame.net/wp-content/uploads/2018/10/44893341_212338849516539_744189073572233216_n.jpg?w=132&h=176&ssl=1)
![44913622_301794253884039_1785995582343479296_n 44913622_301794253884039_1785995582343479296_n](https://i0.wp.com/bislame.net/wp-content/uploads/2018/10/44913622_301794253884039_1785995582343479296_n.jpg?w=234&h=176&ssl=1)
![44779532_419064098625494_178526912728006656_n 44779532_419064098625494_178526912728006656_n](https://i0.wp.com/bislame.net/wp-content/uploads/2018/10/44779532_419064098625494_178526912728006656_n.jpg?w=234&h=176&ssl=1)