Ballina Lajme Kryesia e BIK-ut shpalli zgjedhjet për Kuvend të BI-së dhe për Myfti të Kosovës

Kryesia e BIK-ut shpalli zgjedhjet për Kuvend të BI-së dhe për Myfti të Kosovës

Prishtinë, 24.09.2018

Kryesia e Bashkërisë Islame të Kosovës, në mbledhjen e djeshme, të kryesuar nga Myftiu i Kosovës, Naim ef. Tërnava, bazuar në kompetencat e saj, mori vendim për shpalljen e zgjedhjeve për Kuvendin e Bashkësisë Islame të Kosovës dhe për kryetar të Kryesisë së BIK-ut -Myfti për periudhën e ardhshme pesëvjeçare (2018-2023).

Zgjedhjet për anëtarë të Kuvendit të BI-së dhe propozimet për myfti do të mbahen gjatë muajit tetor 2018. Zgjedhjet do të mbikëqyren nga Komisioni Kryesor i Zgjedhjeve që e emëroi Kryesia.

Në këtë mbledhje, Kryesia e BIK-ut, pas shqyrtimit të rezultateve të konkursit për dekan të FSI-së, emëroi edhe për një mandat prof. dr. Farush Rexhepin dekan të FSI-së.

Në këtë mbledhje, Kryesia e BIK-ut, pas shqyrtimit dhe analizimit, miratoi edhe Raportin për organizimin e Haxhit 2018 si dhe Raportin për aksionin e grumbullimit, therjes dhe shpërndarjes së mishit të kurbanëve.

Kryesia, po ashtu, konform kompetencave të saj, shqyrtoi dhe i vendosi për një sërë lëndësh të arritura në Kryesi ndërmjet dy mbledhjeve.

Shfaq më shumë në Lajme

Shfleto

Myftiu Tërnava vizitoi fabrikën për prodhimin e elementeve të betonit “Globi M.I”

Prishtinë, 18 qershor 2019 Kryetari i Bashkësisë Islame të Kosovës, Myftiu Naim ef. Tërnav…