Prishtinë, më 9 korrik 2024
Shpërndarja e mishit të kurbanit nga Shoqata Humanitare Bamirëse “Bereqeti” ka vazhduar edhe sot.
Kontingjenti i radhës me mish kurbani ka arritur sot në depot e Shoqatës “Bereqeti”, e i cili menjëherë është shpërndarë.
Prishtina, Gjakova, Deçani dhe Istogu ishin katër komunat e radhës, të cilat përfituan mishin e kurbanit.
Një numër i madh i qytetarëve në Prishtinë ishin përfitues të mishit, e për këtë dhuratë, u shprehën tejet falënderues ata.
I gjithë procesi i therjes së kurbanëve është monitoruar nga Komisioni i BIK-ut dhe certifikuesit “Hallall”.
Mishi i kurbanit po mbërrin në çdo cep të Kosovës për të gjitha familjet pa asnjë dallim.
