Prishtinë, më 11 janar 2024
Sekretari i përgjithshëm i Kryesisë së Bashkësisë Islame të Kosovës, Ahmet ef. Sadriu, ka pritur sot në takim një delegacion nga Fondacioni për Studime Ballkanike (FSB), në përbërje nga z. Sevba Abdula, kryetar, prof. dr. Ahmet Köroğlu, profesor në Universitetin e Stambollit dhe prof. dr. Serdar Serdaroğlu, këshilltar i rektorit të Universitetit Ndërkombëtar Ballkanik (IBU).
Sekretari Sadriu iu uroi mirëseardhje mysafirëve, e më pas i njohu ata me punët dhe aktivitetet që zhvillon Kryesia e Bashkësisë Islame të Kosovës, me theks të veçantë në fushën e studimeve dhe të botimeve.
Nga ana e tij, kryetari z. Sevba Abdula, falënderoi sekretarin për pritjen, e më pas e njohu atë me projektet hulumtuese të cilat synojnë që t’i realizojnë.
