Prishtinë, më 9 janar 2024

Në Xhide të Arabisë Saudite ka filluar punimet Konferenca dhe Panairi për shërbimet e Haxhit dhe Umres. Në këtë Konferencë, me ftesë të ministrit të Haxhit dhe Umres, dr. Tevfik Rabiah, po merr pjesë edhe delegacioni i Bashkësisë Islame të Kosovës, i kryesuar nga Myftiu Naim ef. Tërnava.

Konferenca u hap nga zëvendës emiri i Rajonit të Mekës, princi Saud bin Mishal.

Në fjalën e tij hapëse, ministri saudit i Haxhit dhe Umres, dr. Tevfik Rabiah, theksoi se janë nisur projekte për zhvillimin e infrastrukturës për vendet e shenjta në vlerë më shumë se pesë miliardë rialë (rreth 1.3 miliardë dollarë).

Në këtë Konferencë po marrin pjesë ministra, krerë të institucioneve përgjegjëse për organizimin e haxhit nga më shumë se 80 vende. Konferenca do të vazhdojë punimet deri më 11 janar dhe përgjatë zhvillimit të saj, do të diskutojë për iniciativat e shquara, produktet, shërbimet, projektet dhe investimet në teknologjinë inovative në sektorin e Haxhit dhe Umres.

Shfaq më shumë në Aktuale

Shfleto

Myftiu Tërnava takoi kryetarët e këshillave të BI-së

Prishtinë, më 29 shkurt 2024 Kryetari i Bashkësisë Islame të Kosovës, Myftiu Naim ef. Tërn…