Prishtinë, më 9 janar 2024
Krerët e disa delegacioneve të përzgjedhura pjesëmarrës me ftesë të ministrit të Haxhit, z. Tevfik Rebiah, në Konferencën dhe panairin për shërbimet e Haxhit dhe Umres, i cili po mbahet në Xhide të Arabisë Saudite, mbrëmë pas mesnatës vizituan Mekën e shenjtë ku iu ofrua mundësia ta vizitojnë edhe Xhaminë e Shenjtë, Qabenë.
Në mesin e këtyre delegacioneve të përzgjedhura ishte edhe Myfitu i Kosovës, Naim ef. Tërnava, ku në një ambient imanor i mbushur me mallëngjim dhe përulje ndaj Krijuesit Suprem, Allahut xh.sh., u privilegjuan dhe hynë në brendësinë e Qabesë së nderuar. Aty falen dy rekate namaz nafile, si dhe iu lutën Allahut xh.sh. për mëshirë, mbarësi dhe mirësi për gjithë globin.
![](https://i0.wp.com/bislame.net/wp-content/uploads/2024/01/IMG-20240109-WA0002.jpg?resize=769%2C1024&ssl=1)
![](https://i0.wp.com/bislame.net/wp-content/uploads/2024/01/IMG-20240109-WA0001.jpg?resize=576%2C1024&ssl=1)
![](https://i0.wp.com/bislame.net/wp-content/uploads/2024/01/IMG-20240109-WA0008.jpg?resize=768%2C1024&ssl=1)