Prishtinë, 12 shkurt 2019
Nën organizimin e Bashkësisë Islame të Kosovës dhe Dijanetit të Republikës së Turqisë, sot, me datë 12 shkurt 2019, u nisën për Turqi grupi prej 20 imamësh dhe myezinësh-nëpunësve të këshillave të BIRK-ut, për të ndjekur trajnimin që ka për qëllim kryesor përvetësimin e bukur leximit të Kuranit.
Në përcjellje të imamëve, në Aeroportin Ndërkombëtar “Adem Jashari” në Prishtinë, kishin dalë atasheu për çështje fetare nga Dijaneti i Turqisë, z. Nevzat Sabri Akin dhe asistenti i kryeimamit të BIRK-ut, z. Fatmir Iljazi.
Trajnimi në fjalë do të zgjasë gjatë muajit shkurt dhe mars, dhe do të mbahet në qytetin Tekirdag të Turqisë.
