Myftiu u prit nga kryetari i shoqatës bamirëse “Dubai Charity”, dr. Ahmed Mismar Dubai, 7 shkurt 2019 Gjatë qëndrimit në Emiratet e Bashkuara Arabe Myftiu Naim ef. Tërnava i shoqëruar nga ndihmës sekretari i BIK-ut, Rexhep ef. Luma dhe shefi i kabinetit Besim ef. Mehmeti, vizitoi të enjten Shoqatën bamirëse “Dubai Charity” në selinë e saj në Dubai. Aty Myftiu u prit nga kryetari dr. z. Ahmed Mismar. Myftiu falënderoi nikoqirin për mikpritjen si dhe njohu nikoqirin për ecurinë e projekteve të ndryshme të BIK në Kosovë, duke falënderuar për përkrahjen e ofruar BIK. Të dy palët biseduan për bashkëpunim në realizimin e projekteve të ndryshme të BIK-ut dhe u dakorduan për zgjerimin e bashkëpunimit në fusha të ndryshme.
