Prishtinë, më 18 qershor 2024
Kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij, sot qëndroi për vizitë ngushëlluese në familjen e haxhi Muharrem Gashit, i cili ndërroi jetë ditë më parë në Qabenë e bekuar, ku kishte shkuar për ta kryer haxhin.
Myftiu Tërnava tha se vdekjet e tilla si e haxhi Muharremit, janë për t’u lakmuar, andaj ne lusim Zotin e Madhëruar, që rahmetliun ta ketë marrë në mëshirën e Tij, t’ia ketë falur mëkatet, ta gradojë me Xhenet, si dhe ta ngjallë me pejgamberët, dëshmorët dhe njerëzit e mirë.
“Ne si besimtarë jemi të bindur në caktimin e Zotit për momentin e dorëzimit të shpirtit. Prandaj edhe ne, bashkë me ju familjarët, kemi ndier dhimbje e mërzi për vdekjen e familjarit tuaj” – tha ndër të tjera Myftiu Tërnava.
Familjarët e rahmetliut e falënderuan Myftiun Tërnava për vizitën, si dhe gjithë udhëheqësit e haxhit, për kujdesin dhe trajtimin e veçantë që kanë pasur për babanë e tyre.
![](https://i0.wp.com/bislame.net/wp-content/uploads/2024/06/Messenger_creation_6d919870-1f98-4a20-88f0-6654bd088ce8.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2024/06/Messenger_creation_7e46861b-63bb-4703-ab46-a70c0adf84f3.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2024/06/Messenger_creation_94c6fadf-4269-4a10-af1c-4b117c6331ae.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2024/06/Messenger_creation_380c2f1f-7e04-4ad7-a276-947735e45336.jpeg?resize=850%2C567&ssl=1)
![](https://i0.wp.com/bislame.net/wp-content/uploads/2024/06/Messenger_creation_7185bf2c-97a0-48bb-a5f4-26de08dfc7f6.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2024/06/Messenger_creation_e106176e-9137-4c1a-9334-80130ff9b2b8.jpeg?resize=850%2C566&ssl=1)
![](https://i0.wp.com/bislame.net/wp-content/uploads/2024/06/Messenger_creation_d5c3f45f-6580-47a0-8cb9-9f6b80287d39.jpeg?resize=850%2C566&ssl=1)