Prishtinë, më 4 mars 2024
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim reisin e Bashkësisë Islame të Malit të Zi, Rifat ef. Fejziç, i cili shoqërohej nga zëvendësi i tij, Omer ef. Kajoshaj.
Myftiu Tërnava fillimisht iu uroi mirëseardhje mysafirëve në institucionin e Bashkësisë Islame të Kosovës, e më pas i njohu ata edhe me aktivitetet dhe sfidat me të cilat përballet ky institucion.
Format dhe mundësitë e bashkëpunimit ndërinstitucional ishin ndër temat kyçe, të cilat u diskutuan gjatë këtij takimi. Myftiu Tërnava u shpreh i gatshëm që bashkëpunimi i mirë që ka mbretëruar deri më tani ndërmjet dy institucioneve, të vazhdohet dhe të intensifikohet edhe më tej, duke pasur parasysh se në Mal të Zi, jetojnë edhe një numër i konsiderueshëm i shqiptarëve, që i përkasin besimit islam.
Nga ana e tij, reisi Fejziç, fillimisht uroi Myftiun Tërnava për rizgjedhjen e tij në krye të institucionit të BIK-ut, duke shprehur kështu konsideratën dhe falënderimet e tij për bashkëpunimin e deritanishëm që kanë pasur si institucion me Bashkësinë Islame të Malit të Zi.
Në fund të takimit, të dy myftitë shfrytëzuan rastin që të urojnë njëri-tjetrin për ardhjen e muajit të bekuar Ramazan, duke lutur Zotin e Madhëruar që të kemi agjërim dhe ibadete të pranuara.
![](https://i0.wp.com/bislame.net/wp-content/uploads/2024/03/430797615_800438502121854_2988518268046655748_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/03/430773674_800438488788522_2063878990857493534_n.jpg?resize=850%2C559&ssl=1)
![](https://i0.wp.com/bislame.net/wp-content/uploads/2024/03/430091387_800438478788523_5695310450334936994_n.jpg?resize=850%2C567&ssl=1)
![](https://i0.wp.com/bislame.net/wp-content/uploads/2024/03/430050505_800438608788510_4652107160042673810_n.jpg?resize=850%2C567&ssl=1)