Prishtinë, më 2 qershor 2023

Kryetari i Bashkësisë Islame të Kosovës, Myftiu Naim ef. Tërnava, priti në takim nënkryetarin e xhamisë “Mesxhidi Nur” në Fraunfeld të Zvicrës, z. Xhabir Shala.

Myftiu Tërnava e falënderoi z. Shala për vizitën dhe për gjithë kontributin që janë duke dhënë për mirëqenien e besimtarëve myslimanë shqiptarë atje. Ai edhe njëherë rikonfirmoi gatishmërinë e tij dhe të institucionit të Bashkësisë Islame të Kosovës që edhe më tej të vazhdohet dhe të intensifikohet bashkëpunimi me qendrat dhe xhamitë në diasporë.

Nga ana e tij, nënkryetari Shala shprehu falënderimet e tij për ndihmën e ofruar nga Bashkësia Islame e Kosovës sa herë që është kërkuar një gjë e tillë. Gjatë këtij takimi nënkryetari Shala dorëzoi te Bashkësia Islame e Kosovës shumën e vitrave të mbledhura nga mërgimtarët tanë.

Gjatë kësaj vizite, nënkryetari Shala, vizitoi edhe Institutin për Hulumtime dhe Studime Islame, në të cilin u mirëprit nga drejtori i saj, prof. Sabri ef. Bajgora.

Shfaq më shumë në Lajme

Shfleto

Myftiu Tërnava priti në takim ambasadorin jorezident të Katarit, z. Jabor Ali Hussein al Hawashela al Dosari

Prishtinë, më 23 shkurt 2024 Kryetari i Bashkësisë Islame të Kosovës, Myftiu Naim ef. Tërn…