Myftiu Tërnava priti në takim atasheun për çështje fetare në Ambasadën e Turqisë z. Nevzat Akin Prishtinë, 24 dhjetor 2018 Kryetari i Bashkësisë Islame të Kosovës, Myftiu Naim ef. Tërnava, priti sot në takim atasheun për çështje fetare në Ambasadën e Turqisë z. Nevzat Akin. Myftiu Tërnava fillimisht e falënderoi atasheun për vizitën, e më pas e njohu me punët dhe funksionimin e institucionit të Bashkësisë Islame të Kosovës. Nga ana e tij, atasheu Nevzat Akin falënderoi Myftiun Tërnava për pritjen si dhe shprehu gatishmërinë që edhe më tej të intensifikohet bashkëpunimi me Bashkësinë Islame të Kosovës.
