Myftiu Tërnava priti në takim ambasadorin e ri të Hungarisë z. Jozsef Bencze

Prishtinë, 11 nëntor 2020

Kryetari i Bashkësisë Islame të Kosovës, Myftiu Naim ef. Tërnava, priti në takim ambasadorin e ri të Hungarisë z. Jozsef Bencze. Myftiu Tërnava i uroi mirëseardhje ambasadorit z. Bencze, duke i uruar punë të mbarë dhe të suksesshme në misionin e tij diplomatik. Ai shprehu mirënjohjen e tij dhe të Kryesisë së BIK-ut për mbështetjen e vazhdueshme të Hungarisë dhënë për popullin e Kosovës. Në këtë takim, Myftiu Tërnava shfrytëzoi rastin që të njoh mysafirin me historinë, punën dhe aktivitetet e Kryesisë së BIK-ut.

Ndërkaq, ambasadori z. Bencze, falënderoi Myftiun Tërnava për pritjen, si dhe vlerësoi lart punën dhe angazhimin që bën Kryesia e Bashkësisë Islame të Kosovës, që Kosova të jetë një vend i qetë për të gjithë qytetarët e saj, pa dallim feje, kombi dhe gjuhe. Ai siguroi Myftiun Tërnava se, Hungaria do të vazhdojë ta mbështesë edhe më tej Kosovën në të gjitha proceset e rëndësishme për vendin.

Shfaq më shumë në Lajme

Shfleto

“Bereqeti” në Drenas ndihmon familjet me jorganë, jastëk dhe batanije

Shoqata Humanitare Bamirëse “Bereqeti”, dega në Drenas, ka dhuruar zhvilluar aksion humani…