Prishtinë, më 13 mars 2023

Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim z. Bernard Çobaj, i ngarkuar me punë i Ambasadës së Malit të Zi në Republikën e Kosovës. Myftiu Tërnava e njohu mysafirin me funksionimin e institucionit të BIK-ut, si dhe me sfidat me të cilat ballafaqohet ai.

Ai falënderoi z. Çobaj, dhe nëpërmes tij edhe shtetin e Malit të Zi për ndihmën dhe përkrahjen e vazhdueshme për shtetin e Kosovës. Myftiu Tërnava po ashtu vlerësoi se Bashkësia Islame e Kosovës ndër prioritetet kryesore e ka edhe kultivimin e tolerancës dhe mirëkuptimin ndërfetar e ndërnjerëzor, me qëllimin e vetëm që në Kosovë të mbretërojë paqja, respekti e toleranca ndërmjet besimeve dhe etnive të ndryshme. Ai po ashtu çmoi edhe marrëdhëniet shumë të mira që kanë edhe Bashkësinë Islame të Malit të Zi.

Nga ana e tij, z. Bernard Çobaj, falënderoi Myftiun për mikpritjen, dhe potencoi rolin tepër konstruktiv që ka luajtur BIK-u në promovimin e paqes, harmonisë dhe fqinjësisë së mirë, si dhe çmoi lart rolin e prijësve fetarë në edukimin shpirtëror të masës së gjerë.

Shfaq më shumë në Lajme

Shfleto

Myftiu Tërnava po merr pjesë në sesionin e 23-të të Bordit të Lartë të Akademisë së Jurisprudencës Islame

Prishtinë, më 20 prill 2024 Në Riad të Arabisë Saudite, ka filluar punimet sesioni i 23-të…