Myftiu Tërnava mori pjesë në garat “Të mësuarit përmendësh të 40 haditheve të Imam Neveviut”

Prishtinë, 3 maj 2021

Kryetari i Bashkësisë Islame të Kosovës, myftiu Naim ef. Tërnava me bashkëpunëtorë mori pjesë në garat  “të mësuarit përmendësh të 40 haditheve të Imam Neveviut” që u organizuan në  ambientet e M.M. “Alauddin” në Prishtinë. Në fjalën e tij Myftiu Tërnava tha se është kënaqësi që sot në këtë muaj të bekuar ët Ramazanit, të kemi nxënës ë nxënëse që bëjnë gara, Jemi mësuar të shohim gara ët natyrave të ndryshme, por si kjo është hera e parë andaj ka edhe domethënien shumë të madhe  dhe një hap para që në të ardhmen  të organizojmë gara të këtij lloji, duke e rikujtuar më të dashurin e njerëzimit dhe Zotit xhsh.,Muhamedit a.s. i cili e ndërroi faqen e historisë mbi këtë tokë.”-tha mes tjerash myftiu Tërnava.  

Këtë eveniment e përshëndeti edhe nikoqiri i këtij organizimi, Drejtori i MM Alauddin , Prof. Fadil Hasani  i cili  tha se të mësuarit përmendësh të haditheve profetike është vlerë e madhe sepse ne të gjithë sot jemi fitues sepse do të kënaqemi  duke i dëgjuar fjalët e Resulluhaut nga nxënësit e shkollës sonë të cilët besojnë thellë se këta do të jenë fituesit më të mëdhenj të ditës së sotme. 
Këto ishin garat e para të këtij lloji të mbajtur në Medrese  në të cilën garuan individualisht 14 vajza dhe 12 djem, gjithsej 26 nxënës-e nga Medreseja amë në Prishtinë, nga Paralelja e Prizrenit dhe nga ajo e Gjilanit të ndarë në dy grupe: 1) Grupi i Vajzave, dhe 2) Grupi i djemve. 

Fitueset e garave në konkurrencën e vajzave janë: 

1) Anisa Durguti,, 12/4 –  vendi i parë;  

2) Ajna Hajdini, 12/5 dhe Merjeme Bajrami, 11/9 – vendi i dytë 

3) Amira Durguti, 12/4 – vendi i tretë. 

Fitueset e garave në konkurrencën e djemve janë: 

1) Seid Aarbanashi, 12/3 dhe Ubejd Ademi, 12/2 – vendi i parë 

2) Salmir Alija, 11/5 – vendi i dytë 

3) Lind Gllareva, 11/2 – vendi i tretë. 

Gara ishte e fortë dhe mjaftë konkurruese, për shkakun se garuesit ishin mjaftë të përgatitur dhe fitonin numrin maksimal të pikëve të mundshme dhe juria detyrohej të ndante një vend për dy fitues-e. Përgjithësisht gara ishte e nivelit të kënaqëshëm dhe të pranishmit u ndanë mjaft të kënaqur.  

Juria vlerësuese e përbërë nga: Mr. Vedat Sahiti – kryetar (Kryeimam i BIRK), Dr. Musa Vila -anëtar (Profesor i lëndës së Hadithit në FSI),Dr. Florentina Tërmkolli – anëtare (Nga Departamenti i gruas, BIRK), dhe Mr. Muhamed Stublla – anëtar (Prof. i Hadithit) 

Në fund të garave, Drejtoria e Medresesë ndau mirënjohje për të gjithë pjesëmarrësit, certifikata për fituesit dhe shpërblime simbolike për të gjithë pjesëmarrësi.

Shfaq më shumë në Lajme

Shfleto

Kryetari i AAK-së Ramush Haradinaj shtron iftar për Bashkësinë Islame të Kosovës

Prishtinë,  4 maj 2021Myftiu i Kosovës Naim ef. Tërnava me bashkëpunëtorë mori pjesë në if…