Kryeimami Sahiti takoi mualimet e Departamentit të Gruas së BIK-ut

Prishtinë, më 22 qershor 2022

Kryeimami i Bashkësisë Islame të Kosovës, Vedat ef. Sahiti, së bashku me koordinatorin e zyrës së Dijanetit në Prishtinë, z. Bilal Coşkun, ka zhvilluar sot një takim pune me mualimet e Departamentit të Gruas së Bashkësisë Islame të Kosovës.

Fillimisht, kryeimami Sahiti i përgëzoi dhe i uroi mualimet për punën dhe kontributin e tyre në fushën e mësim-besimit me grupmosha të ndryshme në xhamitë ku veprojnë.
“Misioni ynë fisnik kërkon nga ne që të angazhohemi edhe më shumë në mbarëvajtjen dhe ecurinë sa më të mirë të mësim-besimit”, theksoi mes tjerash kryeimami Sahiti.

Ky takim në fokus kishte vlerësimin e punës dhe raporteve të mualimeve për gjashtëmujorin e parë të këtij viti dhe për të diskutuar mbi mundësitë e avansimit të mësim-besimit në nivel vendi. Projekti i angazhimit të mualimeve në kuadër të Bashkësisë Islame të Kosovës edhe këtë vit po mbështetet nga zyra e Dijanetit.

Shfaq më shumë në Lajme

Shfleto

Drejtori Simnica mori pjesë në manifestimin për 10-vjetorin e hapjes së xhamisë “Xheneti” në St. Gallen

Më 24 shtator 2022, drejtori i Diasporës në Bashkësinë Islame të Kosovës qëndroi në Zvicër…