BIK dhuroi botimet e saj për Shoqatën e të Burgosurve Politikë të Kosovës

Prishtinë, më 22 qershor 2022

Drejtori i Drejtorisë për Kulturë dhe Veprimtari Botuese në Kryesinë e Bashkësisë Islame të Kosovës, Ramadan Shkodra, i shoqëruar nga përgjegjësi për literaturë, Agim Gashi, kanë vizituar sot Shoqatën e të Burgosurve Politikë të Kosovës, në të cilën u pritën nga u.d. drejtori Selatin Novosella.

Ata vizituan bibliotekën e sapo themeluar të Shoqatës dhe arkivin e saj.

Me këtë rast, Drejtoria për Kulturë dhe Veprimtari Botuese në BIK, i dhuroi Shoqatës së të Burgosurve Politik, 73 tituj, botime nga Kryesia e Bashkësisë Islame të Kosovës, më konkretisht nga shtëpia botuese “Dituria Islame”. Titujt janë të fushave të ndryshme, ndër to nga kultura, historia, gjuhësia, letërsia etj.

U.d. drejtori Novosella falënderoi drejtorin Shkodra, por edhe institucionin e Bashkësisë Islame të Kosovës për këtë dhuratë, duke e cilësuar atë si një ndihmesë të madhe për këtë shoqatë.

Shfaq më shumë në Lajme

Shfleto

Drejtori Simnica mori pjesë në manifestimin për 10-vjetorin e hapjes së xhamisë “Xheneti” në St. Gallen

Më 24 shtator 2022, drejtori i Diasporës në Bashkësinë Islame të Kosovës qëndroi në Zvicër…