Drejtoria për Diasporë organizon takim-drekë me xhematin në diasporë

Prishtinë, 4 korrik 2022

Drejtoria për Diasporë në Kryesinë e Bashkësisë Islame të Kosovës, më 28.07.2022, në orën 13:00, në lokalet e Medresesë së Mesme “Alauddin” në Prishtinë, do të shtrojë një drekë për imamët, kryetarët, anëtarët dhe xhematin e xhamive të shqiptarëve në diasporë.

Ky takim-drekë me mërgimtarët tanë tashmë është bërë tradicional nga Drejtoria për Diasporë në Kryesinë e BIRK-ut dhe se të gjithë janë të mirëpritur. Drejtori për Diasporë, Ekrem ef. Simnica falënderon për bashkëpunimin e deritanishëm që ka me imamët dhe kryetarët e këshillave të xhamive të shqiptarëve në diasporë.