Më 04 shkurt 2023, drejtori i Diasporës në Bashkësinë Islame të Kosovës, Ekrem ef. Simnica, vizitoi dhe mori pjesë në tribunën e organizuar me rastin e themelimit të xhamisë, në Qendrën Islame Shqiptare “Drita” në Mulhouse, të Francës, ku u prit nga kryetari z. Sinan Shala, anëtarët e kryesisë dhe nga xhemati i kësaj xhamie.
Drejtori Simnica, në ligjëratën e tij, përshëndeti të pranishmit në emër të Bashkësisë Islame të Kosovës, të institucioneve udhëheqëse të saj dhe në emrin e Myftiut Naim ef. Tërnava. Ai, në ligjëratën e tij, vuri theks të veçantë i kushtoi vlerës së xhamisë në mërgatë, si dhe punës dhe veprimtarisë së institucionit të Bashkësisë Islame të Kosovës. Drejtori Simnica falënderoi të gjithë mërgimtarët tanë për kontributin e vazhdueshëm dhënë për vendlindjen në përgjithësi, e në veçanti për institucionin e Bashkësisë Islame të Kosovës. Ai shfaqi shpresën dhe bindjen e tij se kjo mërgatë do të vazhdojë kontributin e saj edhe përgjatë viteve të ardhshme, sa herë që të jetë nevoja.
Në tubim mori pjesë edhe imami Fadil ef. Musliu, imami i xhamisë në Kalstruhe, Gazmend ef. Bajraktari dhe një numër i konsiderueshëm i xhematit.
![](https://i0.wp.com/bislame.net/wp-content/uploads/2023/02/329744115_504302915195368_1330628988907715196_n.jpg?resize=850%2C478&ssl=1)
![](https://i0.wp.com/bislame.net/wp-content/uploads/2023/02/329869951_1545211982556388_8925386235958965933_n.jpg?resize=850%2C478&ssl=1)
![](https://i0.wp.com/bislame.net/wp-content/uploads/2023/02/329798079_2296617360516763_3007505927231206826_n.jpg?resize=767%2C1024&ssl=1)
![](https://i0.wp.com/bislame.net/wp-content/uploads/2023/02/329727045_2319857364847440_1525812176025608452_n.jpg?resize=850%2C403&ssl=1)