Prishtinë, më 11 gusht 2022

Drejtori i Drejtorisë së Diasporës në Kryesinë e Bashkësisë Islame të Kosovës, Ekrem ef. Simnica, ka pritur sot në takim imamin e xhamisë “Isa Beu” në Berlin të Gjermanisë, Remzi ef. Xhaferin.

Drejtori Siminca falënderoi imamin Xhaferi dhe nëpërmes tij tërë mërgatën tonë shqiptare që gjendet në diasporë për kontributin e tyre dhënë për mirëqenien dhe jetën e përgjithshme fetare të shqiptarëve atje. Ai shprehu gatishmërinë e tij, por edhe të institucionit të Bashkësisë Islame të Kosovës që bashkëpunimi i mirë që ka mbretëruar deri më tani, ndërmjet BIK-ut dhe diasporës të vazhdojë edhe më tutje.

Në këtë takim u diskutua edhe për përfundimin e projektit të Qendrës së re në Berlin, e cila do të kontribuojë edhe më tepër për organizimin e aktiviteteve nga mërgimtarët tanë. Gjithashtu, temë diskutimi ishte edhe avancimi i kuadrove të reja për një punë sa më efikase.

Imami Remzi ef. Xhaferi, e falënderoi drejtorin Simnica për pritjen dhe për gatishmërinë e tij dhe të institucionit të Bashkësisë Islame të Kosovës që të kenë një bashkëpunim të mirëfilltë me qendrat shqiptare në diasporë.

Shfaq më shumë në Diaspora

Shfleto

Hytbeja e Myftiut të Kosovës, Naim ef. Tërnava, e mbajtur me rastin e festës së Fitër Bajramit

Familja Sot është ditë feste, ditë gëzimi, ditë mëshire e shpërblimi, ngase të gjitha adhu…