Përfaqësues të tre bashkësive fetare islame në trevat shqiptare, Komuniteti Mysliman i Shqipërisë, Bashkësia Islame e Kosovës dhe Bashkësia Fetare Islame e Maqedonisë, më 27 qershor 2013, kanë zhvilluar mbledhjen e radhës të përbashkët në KMSH.
Në këtë mbledhje u diskutua mbi botimin e librit me referatet e konferencës “Kontributi i prijësve myslimanë në formësimin e vetëdijes dhe identitetit kombëtar”, e cila u zhvillua në Tiranë më 28-29 Shtator 2012, me rastin e 100 vjetorit të shtetit shqiptar.
Ky libër do të jetë një përmbledhje e studimeve të akademikëve, studiuesve dhe pedagogëve të njohur të katedrave të universiteteve më të njohura të trevave shqiptare, të cilët morën pjesë në konferencën e sipërpërmendur dhe do të shpërndahet në të gjitha trevat shqiptare.
Gjithashtu gjatë mbledhjes u diskutua edhe mbi aktivitete të tjera të përbashkëta që do të organizojnë këto bashkësi në vazhdim.
