Prishtinë, 29 maj 2019
Shoqata Humanitare Bamirëse “Bereqeti”, e cila vepron në kuadër të Bashkësisë Islame të Kosovës, për nder të muajit të bekuar të Ramazanit, sot shpërndau 150 pako ushqimore për familjet skamnore në Obiliq.
Koordinatori i kësaj shoqate, dega në Obiliq, Izedin Krasniqi u shpreh se: “Këto ndihma janë më se të mirëseardhura për komunitetin tonë. Shoqata “Bereqeti” në vazhdimësi po mundohet të jetë pranë qytetarëve të cilët kanë nevojë për këto ndihma. Kërkesat janë jashtëzakonisht të mëdha, mirëpo sadopak po mundohemi që t’i përzgjedhim ata që kanë nevojë më shumë. Si shoqatë, ne sot kemi shpërndarë 150 pako, ndërsa në përgjithësi janë gjithsej 200 pako që janë shpërndarë gjatë këtij muaji,”- tha ai.
