Prishtinë, 2 prill 2021
Kryetari i Bashkësisë Islame të Kosovës, Myftiu Naim ef. Tërnava, priti në takim drejtorin e Fondacionit “Maarif” në Kosovë, z. Hurşit Büyükmatür.
Myftiu Tërnava fillimisht i dëshiroi mirëseardhje mysafirit, duke i uruar për marrjen e detyrës së re, si drejtor Fondacionit “Maarif” në Kosovë. Me këtë rast Myftiu Tërnava po ashtu shprehu falënderime për popullin, qeverinë dhe presidencën turke për kontributin që kanë dhënë në zhvillimin dhe ngritjen e infrastrukturës dhe trashëgimisë kulturore e historike në Kosovë, si dhe për bashkëpunimin që kanë pasur deri më tani, duke vlerësuar se bashkëpunimi ndërmjet BIK-ut dhe Fondacionit “Maarif” në Kosovë do të vazhdojë edhe në të ardhmen.
Nga ana e tij drejtori i Fondacionit “Maarif” në Kosovë, z.Hurşit Büyükmatür, theksoi se deri më tani kanë pasur një bashkëpunim shumë të mirë me BIK-un, si dhe uroi që ky bashkëpunim do të thellohet edhe më shumë në të mirë të popullit të Kosovës.
