Ballina Lajme Bereqeti u shpërndau 100 pako ushqimore familjeve skamnore në Viti

Bereqeti u shpërndau 100 pako ushqimore familjeve skamnore në Viti

Prishtinë, 20 maj 2019

Këshilli i Bashkësisë Islame i Vitisë, në bashkëpunim me shoqatën humanitare “Bereqeti”, për nder të muajit të bekuar të Ramazanit, u ka shpërndarë këto ditë 100 pako ushqimore familjeve skamnore në Komunën e Vitisë.
Besnik ef.Arifi, sekretar i Këshillit të Bashkësisë Islame të Vitisë, ka falënderuar shoqatën humanitare “Bereqeti” që edhe këtë vit po ndihmon familjet skamnore për nder të muajit të bekuar Ramazan: “Dua të theksoj se këto ndihma janë të mirëseardhura që t’ua japim familjeve të varfra dhe atyre me nevojë. Nevoja është shumë e madhe për ndihma, ne po mundohemi që t’u dalim në ndihmë familjeve që kanë nevojë më të ngutshme, me anë të këtyre pakove ushqimore mundohemi që të zbusim sadopak gjendjen e rëndë ekonomike që kanë këto familje skamnore të komunës së Vitisë dhe që t’i gëzojmë familjet e varfra dhe ato famije që kanë nevojë që edhe ata të ndiejnë gëzimin për Ramazanin…”.

Arifi tha se edhe gjatë ditëve në vijim do t’u japin ndihma familjeve skamnore.

Shfaq më shumë në Lajme

Shfleto

Myftiu Tërnava priti në takim shefin e Task-Forcës kundër përdorimit të narkotikëve dhe për sigurinë në shkolla, z. Avdullah Hasanin

Sot, ditë e enjte, më 18.07.2019, kryetari i Bashkësisë Islame të Kosovës, Myftiu Naim Tër…