Prishtinë, 05 mars 2019
Zëvendëskryetari, njëherësh anëtari i Kryesisë së Bashkësisë Islame të Kosovës, Ahmet ef. Rama, priti sot në takim presidentin e Universitetit për Menaxhment dhe Shkencë të Malejzisë, prof. dr. Muhamed Shukri Jaxhid, i shoqëruar nga nënkryetari i Çështjeve Globale dhe Strategji të Komunikimit, z. Rosli Jusuf.
Zëvendëskryetari Rama, fillimisht iu uroi mirëseardhje mysafirëve, e më pas i njohu me punët dhe angazhimet e Kryesisë së Bashkësisë Islame të Kosovës.
Ndërkaq, z. Shukri Jaxhid, falënderoi zv.kryetari Rama për mikpritjen, si dhe shprehu gatishmërinë që bashkëpunimi i deritanishëm të vazhdojë edhe më tutje.
Të dyja palët u dakorduan për mundësinë e thellimit të bashkëpunimit në fushën e arsimit.
