Prishtinë, 10 nëntor 2014
Myftiu i Kosovës, Naim ef. Tërnava udhëtoi sot për në Romë, ku do të marrë pjesë në Forumin e tretë të dialogut ndërfetar Katoliko -Mysliman, i cili do të mbahet në Vatikan nga 11-13 nëntor 2014.
Në këtë forum të dialogut e komunikimit ndërfetar është paraparë që të bashkëbisedojnë 12 personalitete të njohura të dy feve, katolike e myslimane, të cilët për temë bosht kanë vendosur, “Të punojmë së bashku për tu shërbyer të tjerëve”, ku në seanca të ndara do të diskutohen këto çështje :
I. Të punojmë së bashku për t’i shërbyer Rinisë; II. Të punojmë së bashku që t’i shërbejmë rritjes se dialogut ndërfetarë; III. Të punojmë së bashku që t’i shërbejmë shoqërisë.
Takimi i pare i Forumit Katoliko -Mysliman është mbajtur në vitin 2008 në Vatikan, i dyti në Jordani me 2011 në vendin e Pagëzimit, ndërsa ky është takimi i tretë i radhës.
Pjesëmarrësit e Forumit do të priten edhe nga Papa Francesku.
