Vedat ef. Sahiti morri pjesë në konferencën e organizuar nga Diyaneti Këshilltari i Myftiut të Kosovës Vedat ef. Sahiti morri pjesë në konferencën e organizuar nga Kryesia e çështjeve fetare të Turqisë – Diyaneti me temë” Perspektivat e reja në fushën e Përkthimit të literaturës Fetare , Sfidat dhe vështirësitë “ Prishtinë, 24 maj 2017 Konferenca filloi punimet më 17 Maj në Sapanca të Turqisë për të vazhduar deri më 19 maj ku përveç kumtesave kishte edhe punëtori të veçanta për rajonet e shteteve anëtare të Këshillit të lartë Islamik të Evroazisë. Në fokus të veçant ishin përkthimet e literaturës bazë fetare larg interpretimeve ekstreme.Në paraqitjen e tij Këshilltari Sahiti u fokusua në nevojën e përkthimit të literaturës bazë të doktrinës në fushën e Akaidit dhe Fikhut Hanefi si një domosdoshmëri imediate , përkthimin e punimeve shkencore akademike me interes për studiuesit dhe lexuesit shqipfolës si dhe botimi i librave të autorëve vendas.
