Varroset Mehdi ef. Hoxha (1950-2020)

Sot në varrezat e fshatit Bllacë të Suharekës me pjesëmarrjen e familjarëve miqve dhe xhematlinjve u varros Varroset Mehdi ef. Hoxha. Në varrim ishte edhe një delegacion nga Kryesia e BIRK-ut i të cilët në emër të myftiut Tërnava i shprehën ngushëllime familjes, të afërmeve dhe miqve. Namazit të xhenazes i priu kryemami i BIRK-ut, Sabri ef. Bajgora kurse duanë e xhenazes e bëri Isa ef. Tërshani. Mulla Mehdia një jete të tërë ia kushtoi fesë dhe shërbim të xhematit.

Biografi

Mehdi Imer Hoxha u lind në fshatin Bllacë të Suharekës. Shkollën fillore e kreu në vendlindje kurse të mesmen Medresenë e Mesme Alauddin në Prishtinë. Më pas vazhdon shkollimin në Damask në shkollën ”Emenije”.

Studimet i ka kryer në Bagdad (1970-1980) drejtimin Kanun ve sijase. Është emëruar imam në fshatin Mushtisht nga 1.11.1983 e deri më 31.12.1993. kurse më pas emërohet Imam, hatib e mualim në xhaminë e fshatit Bllacë me datë 01.01.1994 ku vazhdon deri më 30.04.2016 kur edhe pensionohet. Por vazhdon imam me honorar në fshatin Bllacë të Suharekës deri sa vdiq. Nga viti 1999 e deri më 2003 ishte kryetari i KBI të Suharekës. Më 30 dhjetor 2003 emërohet sekretari KBI-së në Suharek që po ashtu vazhdon deri në vdekje, ku krahas punës së sekretarit ka kryer edhe punën e arkëtarit me qëllimin që Këshilli të jetë në nivel të kënaqshëm dhe t’i plotësoj kushtet si institucion fetar në shërbim të xhematit. Në kohën sa ishte kryetar i Këshillit në Suharekë është ndërtuar selia e KBI-së në oborrin e Xhamisë së Bardhë në Suharekë pasi që selia e vjetër ishte dëmtuar nga lufta.

Lusim Allahun e Madhëruar që ta ketë marrë në mëshirën e Tij, si dhe ta ketë graduar me xhenet!

Shfaq më shumë në Lajme

Shfleto

Myftiu Tërnava priti në takim kryetarin në detyrë të Partisë Demokratike të Kosovës, z. Enver Hoxhaj

Prishtinë, 12 prill 2021 Kryetari i Kryesisë së Bashkësisë Islame të Kosovës, Myftiu Naim …