Prishtinë, më 3 tetor 2023
Kryetari i Bashkësisë Islame të Kosovës, Myftiu Naim ef. Tërnava, së bashku me përfaqësues të Këshillit të Bashkësisë Islame të Shtimes dhe besimtarë të shumtë përuruan objektin e ri te Xhamia e Re në Shtime.
Përveç përurimit të objektit të ri, në xhaminë e re të këtij qyteti me anë të një manifestimi kulturor u shënua Muaji i Mevludit, i cili u pasurua me ligjëratë, ilahi dhe lexim të Kuranit.
Myftiu i Kosovës, Naim ef. Ternava mbajti ligjëratë kushtuar porosive të Pejgamberit a.s.
Kryetari i Këshillit të Bashkësisë Islame të Shtimes, Skender Baftiu, tha se porositë e Pejgamberit a.s. duhet të ndiqen për shkak se ai është shembulli më i mirë.
Për nder të muajit të Mevludit manifestime të tilla kulturore po mbahen gjithandej Kosovës, të cilat kanë për qëllim njohjen me jetën dhe porositë e Pejgamberit a.s..
![](https://i0.wp.com/bislame.net/wp-content/uploads/2023/10/WhatsApp-Image-2023-10-03-at-17.56.35.jpeg?resize=850%2C478&ssl=1)
![](https://i0.wp.com/bislame.net/wp-content/uploads/2023/10/WhatsApp-Image-2023-10-03-at-17.56.35-1.jpeg?resize=850%2C478&ssl=1)
![](https://i0.wp.com/bislame.net/wp-content/uploads/2023/10/WhatsApp-Image-2023-10-03-at-17.56.35-2.jpeg?resize=850%2C478&ssl=1)