Prishtinë, 7 tetor 2022
Me rastin e 12 Rebiul Evelit, ditëlindjes së pejgamberit Muhamed a.s., Këshilli i Bashkësisë Islame të Prishtinës, organizoi manifestim për të shënuar këtë ngjarje të rëndësishme në historinë islame, i cili u mbajt në xhaminë e Madhe “Sulltan Fatih” në Prishtinë. Në këtë solemnitet morën pjesë kryetari i Bashkësisë Islame të Kosovës, Myftiu Naim ef. Tërnava, i shoqëruar nga kabineti i tij, hoxhallarë dhe shumë xhematë të tjerë.
Një fjalë rasti mbajti kryeimami i KbI të Prishtinës,, Burhan ef. Hashani, i cili foli rreth jetës fisnike të të Dërguarit a.s.. Ai theksoi rëndësinë e mësimit dhe studimit të jetës, veprës dhe misionit të tij fisnik.
Kurse ligjëratën tematike e mbajti Kryetari i Bashkësisë Islame të Kosovës, Myftiu Naim ef. Tërnava, i cili uroi besimtarët e vendit tonë dhe botës mbarë për këtë ngjarje historike. Ligjërata e Myftiut Tërnava u karakterizua edhe me lutjet për paqe e harmoni mes njerëzve në gjithë globin. Ai kujtoi ajetin kuranor, i cili çmon lart figurën dhe personalitetin e Muhamedit a.s.: “Manifestimi i Ditëlindjes së Pejgamberit, Muhamedit alejhisselam, si tek të gjithë popujt myslimanë edhe te populli ynë, ka një traditë po aq sa edhe prania e fesë islame në këto troje, dhe si i tillë është i shtresuar thellë në identitetin fetar e kulturor të populli tonë, aq sa ka marrë edhe karakter të një manifestimi thuajse gjithëpopullor, kjo për faktin se populli ynë tërë muajin rebiul-evvel e kalonte në përkujtim të Muhamedit a.s.”- tha Myftiu Tërnava.
Ai më tej në ligjëratën e tij nënvizoi se ne kur kujtomë lindjen e Pejgamberi a.s., kemi për synim që të njohim misionin e tij, mësimet e tij, sjelljet e tij, virtytet e cilësitë e tij, edebin e ahlakun e tij, për të cilat njerëzimi ka nevojë që t’i njohë, t’i dijë, t’i trajtojë, t’i studiojë e t’i vë në përdorim në vazhdimësi, sepse të gjitha këto janë me burim hyjnor, sepse Allahu xh.sh., për të Dërguarin e Tij, Muhamedin a.s. ka thënë: “Dhe ai nuk flet nga mendja e tij. Ai (Kur’ani) nuk është tjetër pos shpallje që i shpallet”. ( En-Nexhm, 3-4).
Ai më pas porositi të pranishmit se në kohën që po jetojmë, mbushur me konflikte, mosdurim, smirë e urrejtje në njërën anë, dhe në anën tjetër kur shoqëria e posaçërisht rinia jonë përballen me shumë dukuri negative, mësimet e Pejgambeit a.s. janë rrugëdalja më e mirë për t’i tejkaluar këto sfida që na mundojnë sot.
Programi më pas vazhdoi me pjesën artistike, me këndimin e mevludit, ilahive dhe kasideve, të përgatitura nga imamët e Prishtinës, si dhe krejt në fund u bë edhe duaja, të cilën e bëri Jahir ef Beqiri.
![](https://i0.wp.com/bislame.net/wp-content/uploads/2022/10/IMG-d8754ed257b583ffacca59ed3289f762-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-00a386c6edf1ba40ce61afc6db1f3a56-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-e5409c3e98dec71a9b300ee15926446b-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-21fbe44d6827845efbd50c9cbcddb485-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-122fc47656fbb06f0bc4e53c33d298d0-V.jpg?resize=850%2C1133&ssl=1)
![](https://i0.wp.com/bislame.net/wp-content/uploads/2022/10/IMG-3b90a167f46739f4f7b94c405f0a6e09-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-374f69ae024fbc2df337fd8e70a82440-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-5dba797afd23b47bbe914fb5cd341f17-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-374c758f3b0fa883eb71258f4778fbe9-V.jpg?resize=850%2C1133&ssl=1)
![](https://i0.wp.com/bislame.net/wp-content/uploads/2022/10/IMG-2a67d9bc6aae5e8f773b815514cbfd28-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-fd5b5e8145ee2e2b48e87fac6d2a8db2-V.jpg?resize=850%2C638&ssl=1)
![](https://i0.wp.com/bislame.net/wp-content/uploads/2022/10/IMG-c4fee2cc5fcd1c49f88df8b53da1db8b-V.jpg?resize=850%2C1133&ssl=1)
![](https://i0.wp.com/bislame.net/wp-content/uploads/2022/10/IMG-7926c5b4ab1b04d3d5ff00146a3cf7b1-V.jpg?resize=850%2C1133&ssl=1)
![](https://i0.wp.com/bislame.net/wp-content/uploads/2022/10/IMG-296dd770207ef5b621c0266b5562de17-V.jpg?resize=850%2C1133&ssl=1)
![](https://i0.wp.com/bislame.net/wp-content/uploads/2022/10/IMG-4ee538d26ea1c0af1c7fcf508d1cb347-V.jpg?resize=850%2C1133&ssl=1)