Myftiu i Kosovës, Naim ef. Tërnava, ka pritur në një takim lamtumirës përfaqësuesin special të Sekretarit të Përgjithshëm të Kombeve të Bashkuara (KB), shefin e deritashëm të UNMIK-ut në Kosovë, Farid Zarif.
Myftiu Tërnava e falënderoi z. Zarif për punën, kontributin dhe angazhimin e tij në Kosovë, si dhe i uroi sukses në misionin e tij të ri.
Myftiu Tërnava po ashtu vlerësoi lart punën dhe kontributin e agjencive të Kombeve të Bashkuara për Kosovën
Ndërsa, në anën tjetër, shef i deritashëm i UNMIK-ut në Kosovë, Farid Zarif, e falënderoi Myftiun Tërnava për pritjen dhe për bashkëpunim e mirë gjatë misionit të tij në Kosovë, duke vlerësuar progresin që ka shënuar Kosova përgjatë këtyre viteve.
