Prishtinë, 3 shkurt 2022
Sekretari i përgjithshëm i Bashkësisë Islame të Kosovës, Ahmet ef. Sadriu, ka takuar sot sekretarët e këshillave të Bashkësisë Islame të Kosovës dhe të institucioneve të saj. Ai në këtë takim falënderoi sekretarët për punën dhe angazhimin e tyre që janë duke dhënë për zhvillimin e proceseve administrative të këshillave ku veprojnë.
“Qëllimi i takimit të sotëm është diskutimi rreth avancimin të formës së komunikimit në raport Këshill-Kryesi, si në aspektin e përpilimit të shkresave, propozimeve, vendimeve dhe kërkesave të tjera, qoftë për administratën e Kryesisë, por edhe të këshillave të BI-së në përgjithësi. Ky komunikim gjithnjë duhet të bazohet mbi aktet normative të Bashkësisë Islame, si Kushtetuta dhe rregulloret e ndryshme” – tha ndër të tjera sekretari Sadriu.
