Në xhaminë e fshatit u bë falja e namazit të xhenazes, të cilit i priu myftiu, Mr. Naim Tërnava.
Restelicë, 13 shkurt – Të hënën, pas namazit të iqindisë është bërë varrimi i nëntë viktimave të tragjedisë që goditi Restelicën mengjesin e së shtunës. Me gjithë kushtet e vështira klimatike, ngase të gjitha rrugët qenë të mbuluara me borë dhe qarkullimi bëhej me vështirësi, në ceremoninë e varrimit qenë një numër i madh i qytetarëve nga Gora, Opoja, Prizreni e rrethet tjera të Kosovës.
{jathumbnail}Në këtë ceremoni qe edhe Myftiu i Kosovës, Mr. Naim Tërnava me bashkëpunëtorë, zëvendëskryeministri i Qeverisë së Kosovës, Behgjet Pacolli, Ministri i Infrastrukturës, Fehmi Mujota, nënkryetari i Kuvendi të Kosovës, Xhavit Haliti, kryetari i Dragashit, Salim Jonuzi, pastaj përfaqësues nga FSK-ja e Policia e Kosovës, etj.
Në Restelicë, Myftiu Tërnava, bashkëbisedoj me imamin e fshatin, Shaban Haxhiun nga i cili u njoh nga afër me gjendjen në Restelicës pas ortekut që mori jetën e 10 pjestarëve të familjes Reka.
Po ashtu, Myftiu Tërnava u shprehu ngushëllime familjes Reka dhe restelicasëve, si dhe u premtoj përkrahjen e nevojshme për tejkalimin e kësaj situate. Në xhaminë e fshatit u bë falja e namazit të xhenazes, të cilit i priu myftiu Naim Tërnava.
