Në Prishtinë 11 kursiste përfunduan mësimin e shkronjave të Kuranit

Prishtinë, 17 dhjetor 2020
11 kursiste që vijojnë kursin e mësim-besimit pranë Këshillit të Bashkësisë Islame të Prishtinës me sukses kanë përfunduar mësimin e shkronjave të kuranit dhe me këtë rast u organizua edhe Festa e Elifit.
Mualimja në KBI Prishtinë Kadrije Dragusha-Ademi tha se 11 kursistet kanë arritur që për tre muaj të përfundojnë me sukses mësimin e shkronjave arabe dhe tashmë pritet të fillohet me leximin e Kuranit.
Ajo bëri të ditur se për shkak të pandemisë janë detyruar të kufizojnë numrin e pjesëmarrësve më kurs që të respektojnë në mënyrë strikte masat kundër Covid-19.
Florentinë Tërmkolli – udhëheqëse në departamentin e gruas nga Kryesia e BIRK-ut falënderoi mualimen Dragusha për përkushtimin e saj të treguar gjatë procesit të mësim-besimit.
Ndërsa mbajti edhe një ligjëratë mbi rëndësinë e mësimit të leximit të kuranit duke thënë se “nuk ka gjë më të çmuar në këtë botë se mësimi i kuranit dhe mësimi i tij të tjerëve”.
Ajo përgëzoi kursistet për arritjet ndërsa inkurajoi ato që të vazhdojnë edhe më tutje me avancimin e leximit të kuranit.
Ndërsa kursistet u shprehen të lumtura që kanë arritur të mësojnë shkronjat e kuranit.
Në fund mualimja u dhuroi nga një kuran kursisteve si shpërblim për arritjet e treguara gjatë kësaj periudhe.

Shfaq më shumë në Lajme

Shfleto

Myftiu Tërnava vizitoi Luginën e Preshevës

Kryetari i Bashkësisë Islame të Kosovës, Myftiu Naim ef. Tërnava, ka vizituar gjatë ditës …