Myftiu Tërnava vizitoi Medresenë “Alaudin” në Prizren

Prishtinë, 9 mars 2022

Kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij dhe nga drejtori i Medresesë së Mesme “Alaudin”, prof. Fadil ef. Hasani, ka vizituar sot paralelen e Medresesë “Alaudin” në Prizren.

Këta u mirëpritën nga koordinatori i Medresesë, Almedin ef. Ejupi, i cili e njohu Myftiun Tërnava me zhvillimin dhe me mbarëvajtjen e procesit mësimor.

Myftiu Tërnava përgëzoi koordinatorin Ejupi dhe gjithë mësimdhënësit për angazhimin e tyre për ecurinë sa më të mirë të procesit mësimor. Ai edhe një konfirmoi përkrahjen e Kryesisë së Bashkësisë Islame të Kosovës për mbarëvajtjen dhe organizimin më efikas të procesit mësimor. Gjatë vizitës në Medrese, Myftiu Tërnava, vizitoi maturantët, të cilët i përgëzoi për përfundimin me sukses të Medresesë, duke iu dëshiruar shëndet dhe suksese në jetën akademike.

Shfaq më shumë në Lajme

Shfleto

Myftiu Tërnava po merr pjesë në Konferencën e 14 Ndërkombëtare për dialogun ndërfetar në Doha të Katarit

Prishtinë, më 24 maj 2022 Nën patronazhin e shkëlqesisë së tij, sheikh Khalid bin Khalifa …