Myftiu Tërnava e z. Erdal Atalai dakordohen:
SA MË PARË TË NISË NDËRTIMI I XHAMISË QENDRORE NË PRISHTINË.

Myftiu i Kosovës, Naim ef. Tërnava priti sot një delegacion nga DIJANET-i, të prirë nga drejtori i përgjithshëm për Marrëdhënie me Jashtë, z.Erdal Atalai.
Myftiu Tërnava, pasi u dëshiroi mirëseardhje delegacionit e lartë nga DIJANET-i , i falënderoi për vizitën, për kontributin dhe për mbështetjen që DIJANET-i jep për Bashkësinë Islame të Kosovës . Ai e vlerësoi si të shkëlqyer dhe në ngritje të vazhdueshme bashkëpunimin me DIJANET-in.
Ndërsa drejtori i përgjithshëm për Marrëdhënie me Jashtë, z. Erdal Atalai, pasi përcolli përshëndetjet e kryetarit të DIJANET-it për Myftiun Tërnava, tha se kjo vizitë është e një rëndësie të veçantë ngase është në funksion të njohjes nga afër për procedurat rreth fillimit të ndërtimit të Xhamisë Qendrore në Prishtinë.
Ai më tutje tha se ndërtimi i xhamisë do të bëhet nga Drejtoria për Menaxhimin e Vakëfeve të DIJANET-it.
Myftiu Tërnava dhe mysafiri nga Ankaraja u dakordauan që sa më parë të nisë ndërtimi i Xhamisë Qendrore në Prishtinë.

Shfaq më shumë në Lajme

Shfleto

Myftiu Tërnava priti në takim drejtorin ekzekutiv të Çmimit “Sheikh Hamad” për Përkthim dhe Mirëkuptim Ndërkombëtar, z. Labib Nahhas

Prishtinë, më 5 shkurt 2025 Kryetari i Bashkësisë Islame të Kosovës, Myftiu Naim ef. Tërna…