Prishtinë, më 3 tetor 2022
Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim zv/kryetarin e Agjencisë Turke për Bashkëpunim dhe Koordinim (TIKA), z. Mahmut Çevik.
Myftiu Tërnava e falënderoi z. Mahmut Çevik për vizitën dhe për bashkëpunimin e shkëlqyer që ka TIKA me Bashkësinë Islame të Kosovës në realizimin e një sërë projektesh të rëndësishme për Bashkësinë Islame, sidomos në fushën e arsimit dhe të trashëgimisë kulturore.
Nga ana e tij, zv/kryetari i TIKA-s, z. Mahmut Çevik., falënderoi Myftiun Tërnava për pritjen dhe për bashkëpunimin, si dhe theksoi përkushtimin e tij dhe të TIKA-s për thellimin e këtij bashkëpunimin edhe në të ardhmen në fushat e interesit të përbashkët në të mirë të popullit të Kosovës.
